CATURANING KALBU

CATURANING KALBU

Tiyungna esem-Mu

Nedya dak pethik kanggo maes kalbu

Sanadyanta lakuning rembulan wus keplantrang

Mateni dalan tumuju kaswargan

Tuwuhna kangenku

Marang samodra lan langit biru

Kaya kumepake lar manuk-manuk camar

Aku nedya nurut dalane ombak-ombak sumanak

Tuduhna lakuku

Kang bingung kesandhung gunung-gunung gung

Katutup klawuning pedhut ginayut

Nyeluk Asma-Mu

                                                A. Sardi

                                                Sampun kapacak ing Djaka Lodang

                                                4 Juni 1994