GISIK PESISIR

GISIK PESISIR

Ndak turut gisiking pesisir kidul

Katon tinemu oreg lan nepsu banyu kang ngaru biru

Ndak tantang benjolaning watu karang

Kang tansah mbegegeg angker

Pisan maneh tuwuh pitakon aneh

Gisik kang ora resik tan gawe becik

Medhotake sesambungan ronce kasmaran

Kang wus rinakit pirang-pirang mangsa

Manuk camar kang tansah nyasar

Kowe ora aweh donga

Apa maknamu manjing ing pinggir segara

Yen kowe tansah gawe susahing manah

                                                A. Sardi

                                                Sampun kapacak ing Djaka Lodang

                                                Sabtu Kliwon, 25 Agustus 1990