SUGENG JUMENENG

SUGENG JUMENENG

I

Dhuh sinuwun

Kawula ngrerepi pada paduka

Badhe dherek nyengkuyung karsa

Mbudidaya budaya lan kasejahteraning jalma

Tedhak dhateng rakyat kang kesrakat

Matur nuwun sinuwun

Dene kersa tuladha mring jalma

Amrih wilujenging bangsa lan nagara

Sarana hamangku

Sarana hamengku

Sarana hamangkoni

II

            Ngayogjakarta anyeksenana

            Iki raja sesembahanku wus katalu

            Nedya ndhepani lan ngrangkul laku

            Memayu hayuning bawana

            Nyipta kasejahteraning bangsa

            Ngripta adiluhunging budaya

            Ngukir jiwa raga kang pupus muspra.

                                    A. Sardi

                                    Sampun kapacak ing Djaka Lodang

                                    Sabtu Pahing, 10 Nopember 1990