PANGLIMBANGE URIP

PANGLIMBANG URIP

Esuk iki cahyaning surya ngithik-ithik atiku

Gumuyu, tan kendhat anggiring laku uripku

Kang tansah ngambah lendhuting srakah

Kaceblok ndheprok ora bisa alok

Embuh,

Kapan aku bisa sowan pangeran

Kanthi nyandhang kadurakan lan kadosan

Kaguyur nistha, papa lan cintraka

Pedhuting ngaurip tansah nutup edining sukma

Sesawangan kaendahan wus kerem ayem

Siji-siji luluh keli bareng tetesing luh

Aku getun

Nggetuni laku tumindak saru

Dhadhaku dak tebahi mawa kitabing jalmi

Atiku dakpetani siji-siji nganggo katuladhan jati

Wewah-wewah kllah,

.

                                                A. Sardi

                                                Sampun kapacak ingi Djaka Lodang

Sabtu pahing