ING WEKTU SEBA

ING WEKTU SEBA

dimen nggembol mayuta dosa

ngindhit sawarnaning memala

nggendhong aboting dhendha

kasrimpet maneka rubeda

aku nglenggena

nedya seba

sungkem ing pada Paduka

kang sumare ing kandhang kasangsaran

nadyan dalan iki peteng lelimengan

kebak blethok teles jenes

ngganda bacining layon

tandha sesangganing dosa

aku ngupaya 

sowan lan seba

sungkem ing pada Paduka

kang miyas memba lumrahing manungsa.

                                   A. Sardi