LARANING PEPISAHAN

LARANING PEPISAHAN

ron-ron ati mosik

nggeterake sukma dadi lara

rontok kabeh rasaning asmara

urip siji kaceblok ing pepetenging dhiri

kok tega

kok mentala

kamangka kangen esemmu durung lerem

isih ngrembaka kepengin ngumbara

lelana kekudangan endahing netra

bolah sewu wus sinambung kalbu

nanging ngapa tetep durung ketemu

kok tega

kok mentala

ninggal lelara angel tinamba

kangenku tansaya jenjem

ananging pepesthen pisah wus kumlarah

nyenyamah dadi susah

                                                                                                                   A. Sardi

                                                                                                             sampun kapacak ing Djala Lodang

                                                                                                             10 Februari 1994