ATUR PANUWUNKU
I
marang wengi
kang wus ngrenda impi kang nyala wadi
nggubel ati nedya ngonceki
apa kang bakal dumadi
II
marang srengenge
kang tansah mesem kebak pengarem-arem
asmaraku kang ngumbara bakal cetha trewaca
ginambar ing garising donya
III
marang angin
kang mili ngganda amis bacin
nyenyamah ati gawe isin
IV
marang pedhut
kang paweh pemut
ing donya iki dumadi rong prekara
ora ditolak nanging kudu ditampa
A. Sardi
Tidak ada komentar:
Posting Komentar