ADOH TEMEN LAKUKU
dlajah desa
milang kori
nyabrang kali
munggah mudhun giri
karoban bun-bun jati
kaplepeg mega wengi
adhuh...
badhar kastyanku
aku kang janji
tan grungu sambat saka lathi
nanging
saiki sambat amarga ora kuwat
adoh temen sungsate Gustiku
sukmaku kaya anguk-anguk samodraning bebendhu
katutup rapet regol lawanging kamukten
aku kijenan
A. Sardi
Tidak ada komentar:
Posting Komentar