KANGEN
sewu mangsa atiku ngumbara
ngupadi tamba kangen kang tumangsan ing pang garing
pingin medharake saweneh crita lelakoning laku
kang ngaru biru ing jembaring tlaga biru
aku ngupaya ngilo ing tirtaning tlaga
oh, ngapa praupaku kebak tatuning dosa
aku tansah nggawe lara lan cilaka
marang sliramu kabeh kang isih putih
saiki lakuku wis sumendhe ing regoling lawang pungkasan
anguk-anguk nyadhong pitulungan
dimen para malaikat mapag tekaku
mlebu ing pangadilan pungkasan.
A. Sardi
Tidak ada komentar:
Posting Komentar