ALBUM LAWAS

ALBUM LAWAS

salembar mbaka salembar
dakbukaki kelangenan lawas
kang ginambar ing suwaliking gambar
kebak crita dawa kang ngambra-ambra

sawetara kandheg pandelenganku
nyawang praupamu kebak esem guyu
ayu lugu durung konggreh salah lan dosa
kebak wewayangan rasaning asmara

eman dieman
sliramu dulu kekarepan
ngoyak gambaraning gegayuhan
ngonceki pepinginan

album lawas
saiki nglarah ana lemah
datan bisa jinamah
mbesem sejarah
bungah.

                                                        A. Sardi