APA KOWE ISIH KELINGAN ?
Nalika mlaku bareng
ngunggahi puncak redining asmara
nggendhong janji-janji suci
kang tumali ing driji ?
nalika lungguh jejer
ngilo ing tirtaning tlaga biru
nangkepake ati prajanji
nedya urip nyawiji ?
nalika nyabrang banjiring kali
kebes teles mecaki rasa ati kang pedhes
kareben ora nemahi punthes lan apes
nganti urip iki pepes ?
A. Sardi
Tidak ada komentar:
Posting Komentar