ING SADAWANING MANGSA KETIGA
ing pucuking mangsa ketiga
rasa hawa njero dhadha
ngluwihi panasing nraka
sambat ngaluwara nggetuni dosa
kang manjing lan nggubel sukma
ing sadawaning mangsa ketiga
ati tan kuwawa nyangga sangsara
tumiba njrebabah ing bantala
kekeceh mayuta-yuta dosa
mung kari nampa paukuman lana
ing ganasing mangsa ketiga
sukma ngumbara ngubengi donya
nggolek papan bawera tanpa kanca
ngelak ing rasa welas asihing tresna
kang ilang nalika lelumban ing donya
A. Sardi
Tidak ada komentar:
Posting Komentar