BIRUNING ATI
ing gisiking pesisir kidul
panyawangku nglambrang kadohan
ngupaya miyak lan mbukak ombak
ngredhem swara alun
bareng karo sumiyuting angin kangen
biru biruning ati
mbabar ginambar kaya ing plataraning samodra
aku ngupaya takon:
kapan tatu biru tatuning ati iki bakal ilang
kapan bisa dak resiki saka reregeting wedhi
suwe aku ngupaya ngupadi
papan pasucening aji
biru biruning tatu ati
angel diusadani
angel ditambani
siji kang dadi kunci saka wisiking tirta adi:
pamartobat
dudu pasambat.
A. Sardi
Tidak ada komentar:
Posting Komentar