SURYA KANG CIDRA
saben esuk daktunggu tekamu
nggawa kabar cahyaning asmara
kang ginambar ing ing ayangan
dimen bisa ketetesan kasetyanmu
nanging lakuning wektu ngancik sore
praupamu datan katon ing tawang
kesaput mendhunging dosa kang dawa
apa kowe bakal mutusake cidra ?
saiki aku rumangsa kijenan
kelangan esem sumringahmu
kang tansah bisa nuwuhake rasa tresnaku
setyamu bisa nggambar kapang biru
tekan kapan aku kudu kijenan nunggu
badharing kasetyanmu ing puncaking pengangenku
nedya kanggo sangu nerusake lakuku
ngambah ing puncaking redi katresnanku.
A. Sardi
Tidak ada komentar:
Posting Komentar