BIRUNING BEBENDHU

BIRUNING BEBENDHU

lakuning laku
cumeblok ndheprok ora bisa alok
tumiba ketaman sengkala cilaka
siji durung kasil mentas
ketindhih prekara liya
sing luwih abot ing rasa
kaya kateban sela mayuta-yuta

dawaning pangrasa
wis ora kwagang ngrakit donga
kabotan benedhuning dosa
ninggal tatu-tatu rupa biru
nyrimpet laku
bjiret kalbu
kaku

biru biruning bebendhu
suwe rinasa
saya ngambra-ambra
angel diupaya tamba
dadi memala
dadi dosa
kang lana.

                                                              A. Sardi