ING SADAWANING MANGSA

ING SADAWANING MANGSA

Ing sadawaning mangsa

Dak takokake mring dina-dina

Apa isih ana papan pangungsening angga

Kang ngumbara ngudi rahayuning bangsa

      Ing sadawaning mangsa

      Dak tantang angkering alun samodra

      Ing ngendi pencokaning manuk-manuk camar

      Kang nedya mbabar kabungahan

Ing sadawaning mangsa

Dak tunggu tumetesing bun-bun raina

Apa isih dak cucup kanggo tamba sukma

Kang ngelak panyapa

          Ing sadawaning mangsa

          Kang dak rasa ……

          Ilange kapang

          Ilange mitra

          Ilange “aku”

                                                            A. Sardi

                                                            Sampun kapacak ing Djaka Lodang

                                                            6 Mei 1995