GAMBAR TAPAK SIKIL

GAMBAR TAPAK SIKIL

          Ing sajembaring pasir pesisir

            Cetha trewaca gambar tilas tapaking sikil

            Nuwuhake pitakon dumadine lelakon

            Sliramu kang ngoncati janji

            Sedyaku nurut playumu

            Nanging aku kenggokan laku

            Nalika rasa mancik ing watu karang

            Tuwuh kuciwa cuwa mring umbaraning asmara

            Aku kudu takon sapa

            Yen rasa jero dhadha sambat ngaluwara

            Kaya swara pecahing aluning samodra

            Nyempyok pedhoting talining asmara

            Pandelenganku muspra

            Nyawang adohing prahara

            Ginawa angin bareng kereming baita

            : Gambar tapak sikil ilang kasaput toyaning samodra.

                                                                        A.Sardi