SANGANG SASI

SANGANG SASI

sangang sasi luwih

aku rumangsa seneng

nadyan ana ing pepeteng

aku ora ngrasa lelakon ireng

sangang sasi luwih

jiwaku kebak suka gambira

ora nemu lara lan sengsara

kabeh sarwa teka lan ana

sangang sasi luwih

donyaku njaga kanthi waspada

saben dina tansah ndedonga

ing titi wancine tiba aku ora muspra

sangang sasi luwih

donyaku tansah setya ing tresna

njaga raga aja nganti kena kala

lair wutuh jiwa lan raga

                                                               A. Sardi – Solo Baru