PEPUDYAN NATAL

PEPUDYAN NATAL

Sawanngen ing nggegana

Langit sumilak kawiyak – kabukak

Ana cahya nyala wadi sumunar madhangi donya

Sinareng kumandhanging swara,

            Gloria in excelsis deo

Waspadakna kahanan sawetara

Angin mandheg tanpa swala

Sato kewan datan kwagang ngobahake raga

Kabeh padha muja,

            Gloria in excelsis deo

Resepna jroning kalbu

Dewa dewaning dewa kersa tumedhak ing donya

Memba-memba kaya lumrahe manungsa

Ngasta oboring kwasa nedya nebus dosa

Memujia,

            Gloria in excelsis deo.

                                                                        A. Sardi