NALANGSA

NALANGSA

nalika hawa rasa iki mendha suda

swaraning sukma ngumandhang sora

mbengokake pamartobat lakuning dosa

mbesem tumindak murang tata

nalika hawaning rasa kerem ing ayem

kasil nata ati dadi tentrem

mbuka korining dhadha nganggo esem

nyadhong tetesing ebun pengarem-arem

: ngapa donyaku isih kablebeg bena

  ngapa lemahku bengkah dening lindhu prahara

  ngapa tiba udan tangis dening ama lan memala

  ngapa sukma kudu pisah karo raga ?

Sardi