PITAKON

PITAKON

Dakpetani maneh

            Rasaning ati kanthi sumeleh

            Dakjumputi maneh

            Ukara dawaning pandonga

           

            : Gek apa salah lan dosaku

              Lakuning laku tansah tumiba ing kanistan

              Durung ngati kasil unjal ambegan

              Wus kadulu katemban watu maewu-ewu

           

            Daktata maneh

            Kareben kasil nemu pikoleh

            Dakmenepake maneh

            Kabeh kekarepan kang kapetung aneh

            : Gek paukuman apa kang kudu tinampa

              Dene dhendhaning panyangka dosa

              Durung panya-panya kaapura

              Saiki lir gumanti panandhanging rasa.

                        A.Sardi