CAHYA NATAL SUMUNAR

CAHYA NATAL SUMUNAR

Cahya sumunar mawa tandha

Asta dawa dewa kumlawe ambrasta

Mbedhah betenging dosa kang nggubet sukma

Pecah ing tengahing ratri kang suci

Ngumandhang swarga swarga …

“Iki PutraKu tumurun saka swarga

 Ing tembe nuntun munggah korining begja

Den suba-suba mawa kidunging kalbu

Cahya sumunar saka netra

Jabang bayi lair tandhes tapesing nistha

Lara lapa nendya nglabuhi manungsa

Dipadha tedhak marak

Pasrah sumarah …

Iki Gusti lan Gurumu.

                                    A. Sardi

                                    Sampun kapacak ing Djaka Lodang

                                    24 Desember 1994