REMBULANING ATI
Nalika rembulan
kesaput layung
Rasaning ati
tumiyung ing keduwung
Kelingan duk
nalika nandhang wuyung
Aku lan sliramu
ciblon asmara landhung
Saiki surem
cahyaning rembulan
Kingslup
katutupan grumbul ri rerondhetan
Nancep ing ati
tumiba ing lelendhutan
Rasa njero
dhadha kaya kabotan
Rembulan manjing
ing suwaliking wengi
Nambahi saya
petenging ati
Nadyan dak upadi
mawi dlajah desa milang kori
Sliramu mung
tansah dadi impi.
Tidak ada komentar:
Posting Komentar