DONGA ING UMBARA

DONGA ING UMBARA

(gurit kanggo simbok)

Dawaning laku ngendhegake rasaning kalbu

Kelingan wiwitane urip nalika ana ing guwa garba

Kebak rasa tresna saka wanita utama

Kang tansah cumenthel ing saben wektu

Saiki, beda rasaning urip iki

Kadohan pangkon dhamparing katresnan

Kesandhung rasa keduwung ninggal weling

Kang mung sakecap luwar saka lathine simbok

Urip siji iki kepeksa ndheprok ora alok

Oh, simbok

Apa isih kelingan marang anakmu kang nakal

Saiki gegedrug lemah nemahi susah

Donga dawa durung bisa nglipur rasa

A.Sardi

Sampun kapacak ing Djaka Lodang

5 Oktober 1994