LELANGEN ING GISIK SEGARA

LELANGEN ING GISIK SEGARA

            Dhiajeng ….

            Delengen obahing ombak rebutan kangen

            Minggir nenepi andum rasa

            Swarane ngrontokake sukma kang nggegana

            Ngagetake manuk-manuk camar kang nyasar

            Dhiajeng ….

            Tipisna atimu kebak pengangen-angen

            Titipna kabeh pandakwaning ala ing selaning arga

            Sesidhem bareng ngrakit pengarem-arep langgeng

            Nandur wohing pakarti, ngrakit impi

Dhiajeng ….

Delengen mendhung nggenthaweng ireng

Burem kaya eseming ati kepengin medhar janji

Rasa kang kabuntel ing lathi

Malih dadi  biruning jaladri

Bisa mung ngremet driji-drijimu

Ya iki panandhanging kanepson

                                                            A. Sardi

                                                            Sampun kapacak ing Djaka Lodang

                                                            19 Februari 1994