AKU TETEP SETYA NGUPADI

AKU TETEP SETYA NGUPADI

Dikayangapaa aku tetep setya ngupadi

Nadyan kudu mecaki desa milangi kori

Mlaku ngetutake kapan pungkasaning wengi

Ing ngendi tinemu wewayangan gambaring jati

Bunder tekadku nurut dalaning Gusti

Nadyan kudu mecaking dawaning mangsa

Ngambah lemah gunung lan ambyur ing tirtaning segara

Aku ora bakal swala lan tetep nggegegi karya

Nurut dalan tumuju swarga loka

Nadyan meh pedhot ototing ati

Dlamakan sikil abuh kebak bebondhotan eri

Aku datan mundur, aku datan nglari

Aku ora bakal wedi

Dhuh, Gusti

Nyuwun pituduh dalaning margi suci

Nadyan mlebu lan kudu ngambah lemah wadi

Nanging aku tetep setya ngupadi.

                                                A. Sardi