DALAN ING PALASARI

DALAN ING PALASARI

Sepuluh taun kepungkur

Sikilku mecaki lemah abangmu

Ninggal tilas biruning kapang

Kumambang ing sadhuwuring tlaga

Sepuluh taun kepungkur

Sumunaring bagaskara ngenam rasa

Mancik ing sadhuwuring arga

Ninggal ukaraning asmara

Sepuluh aun kepungkur

Rasa paseduluranku sumulur

Ambyur ing jagat panglipur

Marang sedulur lan leluhur

Sepuluh taun kepungkur

Ora bakal dak lalekake tumekaning saiki

Aku kepengin maneh mbaleni

Rasa kang ilang ing awang-awang.

                                                Palasari-Jembrana-Bali

                                                A. Sardi