ING PINGGIRING PANCURAN

ING PINGGIRING PANCURAN

Ing dhuwur watu item gedhe iki

Aku lan sliramu Nate lungguh reraketan

Kaya raja lan ratu nglenggahi dhampar

Andon asmara kebak endahing sesawangan

            Ing pinggiring pancuran iki

            Sirahmu sumendhe pasrah ing pundhakku

            Rasa asmara mili tan kendhat kaya ilining banyu

            Kaya lelangen ing alas karoban tanpa rewang

                        Ing pinggiring pancuran iki

                        Aku lan sliramu nate medhar janji

                        Sineksen keyong loro nggremet reruntungan

                        Lelumban ing sajroning banyu bening

                                    Ing pinggiring pancuran iki

                                    Ana tangis kabungahan

                                    Badharing setya gumrojog kaya ilining banyu

                                    Aku mung sedya sedheku …..

                                                                        A. Sardi