NGREDHEM PRAHARA

NGLEREM PRAHARA

Ora salawase

Lakuning laku kesandhung watu

Minger keblinger tumiba ing pengker

Cilaka , lara lan nelangsa

Ora salawase

Mripat kebak pandelengan endah

Kuping ngrungu swara kebak bungah

Ati tansah nyadhong berkah

Saendah-endahe kembang

Kang lagi mekar ngganda arum

Suwening suwe bakal alum

Tumiba muspra tanpa guna

Sakuwat-kuwate dayaning manungsa

Malah apa wae kasil kadhepa

Nggegem panguwasa, katurahan raja brana

Suwening suwe bakal ilang muspra

Mula dimula

Sadurunge prahara numusi jiwa lan raga

Ayo bareng mesu cipta

Kara ngedhem ati kang tansah ngumbara.

                                    A. Sardi