PALASARI

PALASARI

Ing sadawaning dalanmu

Dawa critaku medhar kahananmu

Kang wus nate sumimpen ing kalbuku

Dadi lelakon biru kang trewaca ing awang-awang

Oh … Palasari

Tanpa sengaja

Tanpa rencana

Lakuning jlantra ngambah ing lemah sucimu

Rasa kang nate udhar

Saiki ngempel wutuh maneh

Gumeleng lan gumolong ing pengangenku

Oh … Palasari

Ana rasa kapangku kang keri

Tumiba ing sadwaning dalan kaendahan

Netes dadi donga-donga panalangsa

Nuwuhake sewu pitakon ing rasa

Kapan sikil iki kasil ngambah endahmu

Methik woh katresnan

Kang sumebar ing tlatahmu ?

                                    Palasari, Jembrana, Bali 17-10-2016

                                    A. Sardi