TUMUNGKUL ING BEDHUGUL

TUMUNGKUL ING BEDHUGUL

Hawa adhemmu nggawe jenjem

Pangrasa kerem ing ron-rong anteng

Kabuntel pedhut kang tansah lumaku

Nyecep bun-bun kang tumangsang ing pang

            Wewayanganmu tumeka

            Memba-memba kaya ratu nitih baita

            Nyabrang samodraning asmara

            Apa ing njero dhadha iki isih ana rasa tresna

Kidung dongaku ngumandhang dawa

Rasa keduwungku manglung ing ara-ara

Siji keputusan kang bisa dadi dudutan

Aku kudu wani kandha: aku isih tresna

            Pengangen-angenku kabur kumleyang

            Kebak wewayangan ayanganmu

            Kang ngadhang ing tanah sabrang

            Aku kudu wani kandha:

            Aku isih kepengin ngrakit urip karo sliramu.

                                                A. Sardi – Bedhugul – Bali – 10/2016