SEMEDI ING DHUWUR WATU (MEMORI PESISIR PANDAWA)

SEMEDI ING DHUWUR WATU

(MEMORI PESISIR PANDAWA)

Ing sadhuwuring waui iki

Nedya dak jereng jembaring ati

Sinandhing sesajen jangkeping puji

Tandha sesucining dhiri

Ing sadhuwuring watu iki

Raguku dk kutugi

Mawa peganing dupa ratus

Mangambar-ambar arum pasrah

Yen aku oleh takon:

Marang sedulur lanangku watu karang

Ngapa adigang-adigung-adigunaku isih manjila

Nancep ing njero dhadha

            Marang wedhi putih darmaning sih

            Ngapa dosa kaluputanku isih gumandhul

            Mencok ing kalbu dadi biru

            Marang kadang sanak ombak

            Ngapa jerit tangisku isih ngumandhang

            Ora ilang ing awang-awang

                                                A. Sardi

                                                Pesisir Pandhawa Okt.16