NATAL
Ing tengahing wengi
Ana konang lumaku ngrangkul jagad
Cahyaning cumlorot mawa peni
Kairing kekidungan malaikat
Kang sedya asung pisungsung
Marang gusti kang mbabar jalmi
Sepining ratri saya asri
Tan ana tangis jalaran wengis
Tan ana lara jalaran sengsara
Tan ana jalma kang tan kendhat ing donga
Ngaturake darma bekti tundhuk mring
gusti
Kang rawuh ngasta pepadhang gesang
Sawetara,
Para pangon ing ara-ara
Padha lumayu nedya sedheku marang hyang
wiku
Atine kebak pengarem-arem ayem
Kepranan marang keagunganing pangeran
Kang sumare ing pemakaman
“manungsa ing donya padha anyeksenana
Iki putraku kang sedya ngluwari dosa
Memba-meba rawuh kaya manungsa lapa
Aja den sia-sia mundhak cilaka
Luwih becik cawisna ati kang becik
Miwitana laku mawa oboring kalbu
Kang wis katudhuhake dening putraku”
A.
Sardi
Sampun
kapacak ing Djaka Lodang
Sabtu
Wage, 22 Desember 1990
Tidak ada komentar:
Posting Komentar