SAUMPAMA

SAUMPAMA

Saumpama gaganging uripku ora alum

Wus dak selung ebun mawa gayung

Sedya ndak enggo nyiram murih resiking ati

Lan aja nganti nglari ninggal gusti

Saumpama mendhung iki bisa dak saponi

Langit iki bakal tinarbuka kebak pratandha

Ndayani kita uwal saka bebandaning dosa

Lan bisa lelangen manut hak lan kuwajiban kita

Saumpama mosiking angin bisa ndak endheg

Datan ana siji janjiku bakal kinowahi

Lan nawurke kembang setaman ing jaman

Saumpama aku bisa nyiram kaya udan

Aweh daya ngaurip luar saka parepen

Mbengkas lan mbela kekarepaning netra

Lan donya iki bakal kawentar dadi anyar.

A. Sardi

Sampun kapacak ing Djaka Lodang

Sabtu Wage, 26 Januari 1991