PARANGTRITIS

PARANGTRITIS

aku ngerti ngendi lakuku
nalika wengimu semene sumringahe
jejeritan kaya ombaking samodra
sugeng dalu, ature bayu
ing antarane kaprungu kuping
anyipta wewangen asmara
kanthi meneng ayem
ing dhasar ati

"aku kudu masrahake sepi
aku kudu semedi nenepi
aku kudu ngidung puji
aku kudu nyebut ... dhuh gusti"

aku noleh isih ana siji panandhangku
bakal ndak buang adoh ing tengahing jaladri
sesuk emben bakal ndak undhuh kanggo pasucen

                                                        A. Sardi
                                                        sampun kapacak ing Djaka Lodang
                                                        Sabtu Kliwon, 3 Nopember 1990