PEPALANGING GESANG
ing
sadawaning laku gegayuhan kapang
aja
pisan-pisan sira anggresula
apa maneh
sesambat lara ngaluwara
nanging
tampanana iki margining karaharjan
ing
sadawaning dalan nggayuh pepadhang
aja
pisan-pisan sira kabur kanginan
katut mring ombyak
ilining jaman
kabeh
pepalang bakal kapungkasan
ing
sadawaning lakuning gesang
jamak nemu
lan nemahi pepalang
nedya nanting
kuwat lan kwagang
kanggo
ndhepani gegadhangan.
A.Sardi
Tidak ada komentar:
Posting Komentar