PPASRAH

PASRAH

Dudu tangis jalaran wengis

Dudu tibaning luh jalaran tumindak angkuh

Ananging ….

Tangising batin kang kebak amis bacin

Luhing pangrengkuh kang slingkuh

Datan tansah gumeleng ing manah

Angel anggone ngudhari

Angel anggone ngoncati

Dhuh gusti,

Kawula tansah nggagas-nggagas lelakon jlantri

Gedrug-gedrug kaya ngoregna bumi

Wewah-wewah ngoncati jiwa saka raga

Kang tansah kekeceh dosa murang tata

Ananging kawula eling lan gumeling

Dene gesang kawula gumantung paduka.

                                                A. Sardi

                                                Sampun kapacak ing Djaka Lodang

                                                Sabtu Wage, 17 Maret 1990