Rama Ndung

RAMA  NDUNG

Rama …..

Welingu tansah gumeling

Nyucup ing kalbu kang kelangan laku

Mawa tandha lan tuladha utama kang nyata

Rumangsa krasa nyemangati karsa

Rama …..

Wewayanganmu tansah gegawang ing angan

Ninggal kangen nalika Ngayogjakarta kaliput peteng

Srana saremu kang dawa ing alam lana

Nerusakae karya mung mligi kanggo Hyang Maha Kuasa

Rama …..

Donga lan pamujiku nyambangi tindak

Marak masrahke dhiri kang aji lan peni

Kang wus tinabur ing alam kubur

Muga wur pitutur tansah tinandur.

                                                            A. Sardi

                                                            Sampun kapacak ing Mekar Sari

                                                            10 April 1991