APA ISIH ANA ?

APA ISIH ANA ?

Apa isih ana papan bawera

Kanggo nglerem sawetara

Raga kebak panandhang lara

Kadohan bala lan mitra

Kabuntel latu tatuning memala

Kesrakat datan bisa sambat

Apa isih ana papan bawera

Kanggo ngresiki rasa rasaning dosa

Kang munthuk manjing ing dhadha

Mung kari nunggu wektuning panyiksa

Manggung ngidung rasa keduwung

Kabotan dosa kedlarung-dlarung.

                                    A. Sardi