NATAL

NATAL

Kagem Mbak Eva Irmawati

I

Tebah-tebahan dhadha dhiajeng

Nggetunana laku lan nafsu nistha

Sawangen suryane lintang raina

Pratandha rawuhing dewa dewaning dewa

Tumungkul nebus dosaning manungsa

            Atimu agemana semedi suci

            Lathimu ajaken ngidung tembang-tembang kang adiluhung

            Rungokna apa kang endah dirungu

            Sawangen apa kang endah disawang

II

Wengi iki sepi lan wadi

Kita kudu nenepi semedi

Ngluluhake ati tumindak srengki, drei lan drengki

Ngesokake manah kang pasrah

            III

            Lumakua metu lawanging jagad

            Kang wus kabukak rawuhing malaikat

            Tumindaka nganggo tekening kalbu

            Sebab Panjenengane kersa rawuh ngasta oboring jalma

            Nuntun marak ngarak ngarsa Paduka

                                                A. Sardi

                                                Sampun kapacak ing Djaka Lodang

                                                Sabtu Pahing, 26 Desember 1987