NISTHA ING GISIK SEGARA

NISTHA ING GISIK SEGARA

I

Nalika surya angslup mangulon

Dak tembangake kidung puji

Lagu swarane nresep ing ati

Sumrambah tekaning semedi

Sliramu sujud ing pangkonku

Ndayani asmara kang nyata

Sunare surya lunga

Ngebaki wengi anteng tentrem

Ngemutna jaman semana

Sliramu lan aku ngucapke janji

Sesaji urip nyawiji

II

Obahing gegodhongan nggisik

Ocehing manuk camar kang nyasar

Ndongakake ati kang kabuntel nistha

Kebak lelakon sengsara muspra

Asmara tancep dhadha ilang tanpa pada

III

Pang kang sinawang

Wus tanpa sumliwer ijoning godhong

Tumiba siji-siji ngrusak dining jati

Luluh lebur tanpa dadi

Asmara kang ngumbara, ilang gegantilane

Tanpa tuwuh woh kang isi

Katut lakuning ombak rusak.

                                                                                    A. Sardi

                                                                                    Sampun pacak ing Djaka Lodang

                                                                                    Sabtu Legi, 9 Januari 1988