ING SADAWANING DALAN

ING SADAWANING DALAN

Ing sadawaning dalan

Dak prangguli ilanging memitran

Siji lan sijine datan ngadani cecaturan

Anane mung padha bebatinan

            Ing sadawaning dalan

            Kumandhanging kabungahan ilang

            Surak gumuyuning ati datan ngumandhang

            Kabeh kabur saka alaming paseduluran

Ing sadawaning dalan

Akeh lelakon laku lelamisan

Kana kene tansah kaprungu swara tetangisan

Apa iki tandha tandhane jaman edan.

                                                A. Sardi