PEPISAHAN ING KALIURANG

PEPISAHAN ING KALIURANG

Pucuking ron-ron tansah gegayutan

Montang-manting kesenggol mosiking angin

Tan bisa swala mbela angkuhing lapa

Pasrah lampah kersaning Allah

Gene atiku …

Ndak tekuk-tekuk

Ndak peksa n yawang pucuking redi

Ndak peksa ngrasakake anyeping angin

Kareben sesanggeman bareng ocehing peksi jlantri

Rinasa sepi sepining redi gesang suci

Dhiajeng kang tansah gumeleng

Entenana ing erenging jurang gesang

Ati lan tresnaku wus ndak titipake ing sela

Menawa tuwuh kangen

Nyuwuna tetesing ebun marang dewa

Tetembangan mawa iramaning kalbu

Sapunen pedhut-pedhut kang nutup guyup

Dene aku lan kowe wis ginambar kaya redi

Plawangan lan Turgo.

                                                A. Sardi

                                                Sampun kapacak ing Djaka Lodang

                                                Sabtu Pahing, 5 Juli 1989