BADHARING
RAINA
Sunaring sang bagaskara
Mbuka kori padhanging donya
Kabeh sarwa katon ngegla cetha trewaca
Muji syukur kunjuk Hyang Makwasa
Daya anyar nguwasani raga
Nedya cancut tali wanda tumandang karya
Nempil pakrayananing Hyang Makwasa
Satrep karo timbalaning urip
Saklamit pandonga kumecap ing lathi
Muga dina iki linuwih aji katimbang
wektu wingi
Nduweni pengaji kanggo nyukupi urip siji
Dadi bana lan pisungsung peni
A.
Sardi
Tidak ada komentar:
Posting Komentar