SUMEDHOT

SUMEDHOT

Wengi iki mrambat kanthi rikat

Tumungkul njedhul cahya rembulan

Ngemutna sumpah setya kang karenda

Nalika asmara lagi ngumbara

Suket grinting tumali dadi siji ing driji

Karakit

Kembang alang-alang cumundhuk gegancangan

Pralambang gesang tan pisah tansah sesandhingan

Nanging

Cahya rembulan wus kerem sengsem

Suket grinting garing lan pedhot

Kabeh bubrah kari ayangan

Sliramu tan teguh ing janji.

                                    A. Sardi

                                    Sampun kapacak ing Mekar Sari

                                    8 Maret 1989