SAUMPAMA

SAUMPAMA

Saumpama mimis ora nembus dhadhaku, dhiajeng

Janjiku nggayuh rembulan kanggo paesan kaleksana

Asmara kang wus karenda tinata,

            Mekar sumebar ngganda pinurba arum

Saumpama aku ora mati ing palagan jati, dhiajeng

Kembang melathi kang asri,

            Wus dakpethik kanggo cundhuk paesan

Saumpama jenengku kawentar bawana, dhiajeng

Tinulis ing endahing donya

Bisa aweh paseksen darma bektiku marang bangsa

            Ngangkat drajad, kesrakat.

                                                A. Sardi

                                                Sampun apacak ing Djaka Lodang

                                                Sabtu Pon, 11 Maret 1989