SWARANING ATI

SWARANING ATI

Kaya ngapa swara ati bisa ginambar

Ngukir lan ngrenda ukara smara

Dene bolahing sesambung wis dak ulur-ulur

Mawa pengarep-arep kang setya kang luhur

            Dhiajeng,

            Kapan aku bisa nyandhak ayanganmu

            Dene sliramu tansah nutup mawa sewu pedhut

Datan bisa kapiyak kabukak

            Kapan aku bisa ngganda arum sukmamu

            Nadyan atiku tansah kasiram kanisthan

Dhiajeng,

Apa tega aku ngrungkep ing bantala

Tan bisa aweh setya asmara

Apa tega atiku kerem ing a dhem

Tan bisa sungkem aweh pengarem-arem

            Apa tega thukuling ati iki sirna

            Tan bisa tuwuh wohing kasunyatan

            Sedya bakal nyambung bebrayan.

                                                A. Sardi

                                                Sampun kapacak ing Djaka Lodang

                                                Sabtu Pahing, 21 Oktober 1989