GAMBAR KANG CUMENTHEL ING KAMAR

GAMBAR KANG CUMENTHEL ING KAMAR

Ana wewayangan kumleyang

Medhar lelakon lawas

Nanging kebak kabungahan lan kaendahan

Nalika ngambah ing mangsa kasmaran

Kabeh sarwa karenda ing esem

Kaya tembang kelangenan

Ora isa ilang

Crita dawa iki

Mili saka maknaning gambar

Kang isih tetep cumen thel ing tembok kamar

Ora bakal kapangan ing wektu

Ora bakal kapranggas ing mangsa

Tetep cetha trewaca ngegla

Duwe makna

Nadyan rakitaning crita saka gambar

Mung kari wewayangan kang samesthine ilang

Nanging ing wektu-wektu tartemtu bakal kawetu

Njedhul tumungkil ing pangimpen.

                                                A. Sardi