PANGILONING URIP

PANGILON URIP

Daksawang maneh praupan aneh

Ngetheh-etheh nyleneh

Ati buthek nanging lambe plengah-plengeh

Lakuning pikiran mubeng kay kitiran datan sumeleh

Ngudi bandha akel nanging durung rinasa pikoleh

Daksawang maneh wewayangan sesinglon

Kang kasil memba-memba kaya kewan bunglon

Sejatine wis ngerti nanging ethok-ethok takon

Ora gelem tumandang dhewe, senenge ngongkon

Ora bisa mbedake entuk becik lan awon

Daksawang maneh rupa kebak memelas

Sluntrut lan lemes kaya godhong klaras

Datan bisa ngrasa apa bedane urip lan tiwas

Datan bisa ngudi kapan urip bakal pinungkas

Pangilon urip iki kang bakal mbengkas.

                                                            A. Sardi