YEN

YEN

Yen atimu ngrasa lara

Tumiba ing donyaning panalangsa

Apa diina dening sapadha-padha

Tampanana lan aja swala

Anggepen minangka pecuting ngisi dina

Yen sliramu rumangsa mlarat

Sukma ing raga kaya nedya oncat

Aja sambat sora kaya beledheg ing mangsa kapat

Anggep kabeh minangka rahmat lan berkat

Kang kudu disrakat

Yen begja manjing ing angga

Aja sliramu mucuk ing rasa gumbira

Sebab kabeh iki dumadi mung sawetara

Ora suwe bakal kepranggas ing mangsa

Isenan wektu kanggo ngidung donga

Yen lakumu rumangsa kijenan

Ngambah sepi lan peteng ing sadawaning dalan

Aja sliramu nglemprok adus luh tetangisan

Lungguh sedhekua munjuk Pangeran

Nyuwun kawelasan lan pangampingan.

                                                A. Sardi